Frymëzoje jetën tënde

Eja, zgjohu!

Mblidhe dhe kape veten, ndrysho! Ndryshoje gjuhën e të folurës, të mendimit, të përshtypjes. Mos e prano dobësinë. Mos e prano përçmimin. Mos e prano injorancën. Mos lejo të shkelesh. Mos lejo të zbrazen fuqitë e tua mendore, shpirtërore e morale. Ke mundësi për të nesërme ndryshe. Për të nesërme me të ardhme më të ndritur. 

Ti mundesh, zbuloje këtë! Ti që kur ke lindur, linde me aftësi e mundësi. Je i veçantë nga çdo njeri tjetër, je unik, vetëm se këtë gjë duhet t’ia dëshmosh vetes. 

Bëje me angazhim!

Beso në fuqitë e tua! Mos iu mbështet njerëzve! Bashkëpuno me ta. Por, parësore, përpiqu me vetveten! Lëviz, medito. Të jesh i sigurt, se, asnjë njeri nuk mund të rrëmbejë atë që ke brenda vetes. Nuk të rrëmbejnë dot dëshirat dhe ëndrrat e tua. As vizionin tënd. 

Ti mund të kesh një jetë më të gjallë, më të bukur, përplot fitore.

Beso! Lëviz.

Beteja është e jotja.